Türk dili farscadan 45 dəfə üstündür – Ziya Sədrül-Əşrəfi

2018-06-08 18:03:53

Fars dili elmi dil deyil. Bu dillə elm və texnologiya haqda məlumatı dəqiq çatdırmaq mümkün deyil.

Bu sözləri BBC-Fars telekanalına müsahibəsində Güney azərbaycanlı araşdırmaçı alim Ziya Sədrül-Əşrəfi deyib.

“Biz elm və texnologiya dövründə yaşayırıq. Fars dili dünyanın elmi dilləri, o cümlədən ingilis dili ilə heç bir şəkildə rəqabət apara bilməz. Fars dilində bu dilə aid yalnız 200 feil var. Mənim 93 ildir boğulmuş ana dilimdə isə 9 min feil var. Bu rəqəm fransız dilində 15 mindir”, - deyə o qeyd edib.

Z.Sədrül-Əşrafi türklərin ədəbi eposu kimi “Manas” dastanının dünya ədəbiyyat xəzinəsinin ən önəmli əsəri olduğunu da diqqətə çatdıraraq, İranda ana dilində təhsil məsələsinə toxunub:

“Uşaq zülmə məruz qalmasın deyə, o, əlifbanı ana dilində öyrənməlidir. Ana dilini öyrənmək insan hüququdur. Türk dili ilə birlikdə fars dilini də bir vasitə və ortaq dil kimi öyrənmək olar”, - deyə o vurğulayıb.

 

 

 

Lego.az /Kult.az/